Vendet fqinje evropiane kanë shprehur kritika pas vendimit të Gjermanisë për të vendosur kontrolle të përkohshme në të gjithë kufijtë e saj tokësorë. Vendimi, i cili zgjeroi kontrollet tashmë të vendosura në disa kufij, synon të frenojë migrimin e parregullt, sipas ministres së Brendshme gjermane Nancy Faeser.
Ndërsa ministri i Brendshëm i Austrisë, Gernard Karner theksoi se vendimi i Gjermanisë ishte i paligjshëm dhe se Austria nuk do të pranonte emigrantët e refuzuar nga Gjermania.
“Ajo që është e rëndësishme për ne si koalicion është se ne kemi nisur tashmë një sërë masash për të luftuar imigracionin e parregullt”, tha Faeser.
“Ne kemi pasur kontrolle kufitare në të gjithë kufijtë tokësorë që nga dje. Kemi kontrolle kufitare me Çekinë, Poloninë, Austrinë dhe Zvicrën që nga tetori. Që atëherë kemi kryer 30 mijë dëbime. Kemi nisur një deportim dhe riatdhesim të madh”, shtoi ajo.
Mbyllja e kufijve është caktuar të zgjasë gjashtë muaj dhe po kërcënon të testojë unitetin evropian.
Muajin e kaluar, një sulm vdekjeprurës me thikë nga një azilkërkues sirian në Soligen vrau tre persona. Autori pretendoi se ishte i frymëzuar nga grupi i Shtetit Islamik. Në qershor, një sulm me thikë nga një emigrant afgan la të vdekur një oficer policie dhe katër persona të tjerë të plagosur.
