Loading ...Shqipëria është nderuar me 18 çmime në art e pikturë. Të ftuar në studion e “ABC e Mëngjesit” në ABC News, piktorja Ruzmira Beqiraj Bejaj dhe nxënëset Sabrina Pogoni, Rubina Bejaj dhe Paola Terpollari, nxënëset fituese të çmimit “Petalet e Arta”, folën për këtë rrugëtim dhe pasionin e tyre për artin dhe veçanërisht pikturës.
Në ceremoninë e 44, artistet e vogla shqiptare u vlerësuan për talentin dhe për stilin e tyre unik në pikturë.
Me certifikatë pjesëmarrjeje u vlerësuan dhe 6 fëmijë të tjerë nga qendra Kombëtare e Kulturës për fëmijë.
“Pikturat janë realizuar në vend. Gjithë ditën fëmijë pikturojnë në terren dhe secila duhet të ruajë stilin dhe identitetin e vet tek punimet”, u shpreh piktorja Ruzmira Beqiraj Bejaj.
Artistet e vogla, u shprehën të emocionuara dhe treguan se pikturën e kanë ndjekur me pasion.
Konkursi “Small Montmartre Of Bitola” shpërblen me diplomën “Golden Palette” artistet e vogla shqiptare.
/abcnews.al/
