Nxënësit nga Lushnja kanë dalë fitues në konkursin ndërkombëtar “Shkollat e Shek XXI”. “Shpikësit”, 11-vjeçarë arritën të bëjnë serrën inteligjente.
Për këtë u janë dashur dy javë dhe u shprehën se kanë përdorur materiale të ndryshme, duke nisur nga microbic, 2 pllaka microbic, 2 rele, 2 bateri, ventilator dhe sistemin e lagështirës.
Në “ABC e Mëngjesit”, në ABC News, ata treguan se nga vëzhgimi i tyre panë elementë që mungonin dhe arritën ti realizonin në projekt.
“Kemi ende projekte për të bërë, do të jemi në punë dhe do të sjellim diçka të re që na vlen të gjithëve. Kemi një pjesë toke në shkollë dhe kemi dëshirë ta përshtatim. Mendoj që në atë pjesë të ndërtojmë një serrë me sipërfaqe më të madhe”, u shpreh mësuesi i 11-vjeçarëve.
/abcnews.al/
