Një fokë gri u shpëtua pasi ishte ngatërruar në rrjetë. Friends of Horsey Seals tha se ishte njoftuar nga një banor i zones që kishte parë fokën mashkull midis Horsey dhe Winterton-on-Sea në Angli të hënën. Ekipet e shpëtimit thanë se kur e kapën kafshën zbuluan se rrjeta po “gërmonte thellë në mishin e tij”.
Foka u dërgua në qendrën e kafshëve të egra të RSPCA East Winch në mënyrë që rrjeta të mund të pritej dhe të trajtohej. Sally Butler, nga grupi i monitorimit vullnetar të Friends of Horsey Seals tha se ishte një “sfidë” për të kapur fokën pasi peshonte më shumë se 200 kg raporton “BBC”. Ajo tha se kishte 122 cm rrjetë rreth qafës dhe plaga ishte deri në 10 cm e thellë dhe e infektuar.
“Duket se kjo lloj gjëje po përkeqësohet; ne po bëjmë gjithnjë e më shumë shpëtime të këtij lloji,” shtoi ajo. Zonja Butler tha se një tjetër fokë u raportua se ishte ngatërruar në rrjetë në Winterton të martën, por ishte në një grup fokash dhe shpëtimi nuk ishte i mundur dhe ata do të provonin përsëri të mërkurën. Friends of Horsey Seals tha se u kuptua që fokat kapen në rrjetën e litarit kur janë të reja dhe nuk mund të dalin prej saj, dhe ndërsa rriten rrjeta pret mishin e tyre. / abcnews.al
