Ky është momenti kur autori që vuri tritolin në shtëpinë e Armand Dukës në Durrës një natë më parë. Në foton e siguruar nga ABC, Arlen Hasanaj qëndron në profil me një kapuç të vendosur në kokë. Hasanaj shfaqet pothuajse me të njëjtat rroba në pamjet e kapura nga kamerat e sigurisë në zonë, një natë më parë kur ai vendosi tritolin dhe u largua me shpejtësi.
Burime bëjnë me dije për ABC se është banor i lagjes dhe pronari i një biznesi në zonë. Mësohet se Hasanaj ka në pronësi një biznes bar kafe dhe market, Euroshop. Vetë Duka, pak minuta pas ngjarjes deklaroi se e ka parë autorin nga kamerat e sigurisë, i cili ishte shfaqur i maskuar me kapuç dhe më pas është larguar me shpejtësi.
Nga shpërthimi i lëndës plasëse nuk pati dëmtime të mëdha, ndërsa kreu i FSHF Armand Duka dyshon se këto ngjarje kanë të bëjnë me zhvillimet e fundit për sa u përket zgjedhjeve në Federatën Shqiptare të Futbollit.
Ai ka treguar edhe një mesazh kërcënues të ardhur në celularin e tij, ku i kërkojnë të japë dorëheqjen në të kundër do e vrasin. /abcnews.al
