Mbi 3,000 delfinë në Detin e Zi kanë ngordhur si pasojë e pushtimit të Ukrainës nga Rusia. Lajmin e bëjnë të ditur shkencëtarët ukrainas që punojnë në parkun kombëtar natyror “Tuzlovsky Lymans”.
NEXTA raporton se shpërthimet po i pengojnë që të gjejnë ushqim ndërsa shton se numri i delfinëve të gjetur të ngordhur në brigjet e Bullgarisë dhe Rumanisë, përveç Ukrainës është në rritje.
At least 3,000 dolphins have died in the Black Sea because of the war, according to scientists of #Ukrainian “Tuzlovsky Lymans” reserve. The work of sonar and explosions prevent them from finding food. Dead dolphins are increasingly found on coast, even in #Bulgaria and #Romania. pic.twitter.com/C3FZzW7bWD
— NEXTA (@nexta_tv) June 24, 2022
Ngordhja e papritur dhe misterioze e kaq shumë gjitarëve detarë po shkakton shqetësim në komunitetin shkencor, të cilët nuk kanë ngurruar të shprehin druajtjet se lufta e Putinit në Ukrainë mund të ndikojë gjithnjë e më shumë gjallesat e Detit të Zi.
Luftimet përgjatë vijës bregdetare të Ukrainës kanë shkaktuar dëme të pallogaritshme mjedisore dhe kanë ndikuar në ekosistemin e delfinëve, thonë shkencëtarët. /abcnews.al/
