Një zjarr i madh shpërtheu në një depo nafte në Rusinë jugperëndimore pranë një ure kyçe që lidh vendin me Krimenë, tha një zyrtar rus të mërkurën.
Në një postim në Telegram, guvernatori i Krasnodarit, Veniamin Kondratyev tha se zjarri në portin e Volnës ishte i madh por që tashmë ishte vënë në kontroll.
Nuk raportohet për viktima, shtoi ai.
Objekti ndodhet afër urës së Kerçit, e cila u dëmtua nga forcat ukrainase në tetor 2022.
Ndërkohë që nata nuk ka qenë e qetë as mbi territorin ukrainas, ku Kievi ishte sërish në qendër të objektivit rus për ta sulmuar me raketa.
Dhjetëra shpërthime janë dëgjuar pak pas mesnate në kryeqytet, por pjesa më e madhe e tyre ka qenë si pasojë e aktivizimit të sistemit të mbrojtjes antiajrore që asgjësoi predhat armike.
/abcnews.al
