Steven Zhang, presidenti i Interit, nuk ka duruar më. Ai ka parë “cirkun” që po bëhet në Itali me kalendarin. E gjithë kjo situatë është krijuar prej panikut të krijuar nga Coronavirus. Polemikat kanë qenë të shumtë për shkak të shtyrjeve të ndeshjeve, apo për shkak se është menduar të luhet diku me tifozë dhe diku pa ta.
Kreu i klubit të Interit i drejtohet përmes rrjeteve sociale presidentit të Lega Serie A, Paolo Dal Pino: “Po luani me kalendarin dhe gjithmonë e vendosni shëndetin publik si problem të dorës së dytë. Ju jeni kloni më i madh dhe i zi që kam parë ndonjëherë. 24 orë? 48 orë? 7 ditë? Dhe çfarë tjetër? Cili është hapi tjetër?
Dhe tani ju flisni për garë dhe konkurrencë të ndershme? Po sikur ne të mos i mbrojmë lojtarët dhe trajnerët tanë dhe t’u kërkojmë atyre të luajnë për ju 24 orë në 7 ditë të javës, pa ndalur?
Po, po ju flas ju, presidentit të Ligës, Paolo Dal Pino. Turp të keni. Është koha të ngriheni dhe të merrni përgjegjësitë që ju takojnë. Kjo është ajo që ne bëjmë në vitin 2020.
Të gjithë, anembanë botës, pak rëndësi ka nëse jeni tifoz i Interit, Juvenstusit, apo nuk jeni tifozë fare: ju lutem jini të sigurt. Kjo është gjëja më e rëndësishme për ju, familjet tuaja dhe për shoqërinë tonë”. /abcnews.al
— GiangoInter?? (@GiangoInter) March 3, 2020
