Ish-futbollisti i Manchester United dhe analisti i Sky Sport, Gary Neville, shpeshherë ka kritikuar “Djajtë e Kuq”, por kësaj radhe, ka shtuar një ‘marsh’ më tepër. Sipas Neville, strategjia e United në merkato është skandaloze dhe prej muajsh nuk kanë arritur të zëvendësojnë Lukakun dhe Sanchez.
“Mendoj se Ighalo do të ishte një afrim i zgjuar, duhet një zëvendësues për Rashford. Por kjo gjë nuk më ndryshon mendimin për Manchester United.
E kanë ditur prej muajsh të tërë që Sanchez dhe Lukaku do të largoheshin, por nuk nënshkruan me asnjë zëvendësues. Plot 9 muaj, 9 muaj dhe ende nuk ka një zëvendësues. Kjo gjë tregon qartë mënyrën si po vepron ky klub në merkato.
Pa plan, pa një projekt afatgjatë, me para të tepërta të shpenzuara për lojtarë që nuk iu duhen. Fakti që United është në këtë pozicion, më bind që strategjia e tyre në merkato, është e gabuar”, tha mes të tjerash Neville./abcnews.al
