Shpërndanin drogë në Krujë, arrestohen 5 pjestarët e një grupi

Pesë pjestarë të një grupi që merrej me punët e drogës janë arrestuar. Ata akuzohen për shpërndarje të lëndëve narkotike në qytet. Operacioni në bashkëpunim dhe me prokurorinë e Krujës u zhvillua në momentin  që po bëhej shkëmbimi i lëndës narkotike. Policia arrestoi në flagrancë  shtetasit Aurel Tema, Gilmando Bami, Edvin Zalla banues në Fushe Kruje, Elvis Qoku dhe Xhilion Xhemlloari banues në Tiranë. Veç lëndës narkotike, në cilësinë e provës materiale janë sekuestruar edhe telefona celulare dhe automjete. Hetimet vazhdojnë për të zbuluar persona të tjerë të përfshirë në  mbajtjen dhe tregtimin e lëndëve narkotike. /ABC News Albania 24/7