Dy motra nga Teksasi dhe një mikeshë e tyre janë zhdukur në Meksikë pasi kaluan kufirin muajin e kaluar për të shitur rroba në një treg, thanë autoritetet amerikane të premten.
Rrëmbimi i katër amerikanëve në Meksikë që u kap në video javën e kaluar mori vëmendjeje të madhe dhe u zgjidh brenda pak ditësh. Por fati i tre femrave, për të cilat nuk ka asnjë lajm prej rreth dy javësh, mbetet një mister dhe ka marrë relativisht pak publicitet.
FBI tha të premten se është në dijeni se dy motra nga Peñitas, një qytet i vogël kufitar në Teksas pranë McAllen, dhe shoqja e tyre janë zhdukur. Shefi i policisë së Peñitas Roel Bermea tha se familjet e tyre kanë qenë në kontakt me autoritetet meksikane, të cilët po hetojnë zhdukjen e tyre.
Përtej kësaj, zyrtarët në SHBA dhe Meksikë nuk kanë thënë shumë për rastin e Maritza Trinidad Perez Rios, 47 vjeçe; Marina Perez Rios, 48 vjeçe; dhe shoqja e tyre, Dora Alicia Cervantes Saenz, 53 vjeçe.
Ngjarja e katër amerikanëve që u rrëmbyen solli një furi nëqeveri dhe në media, ata udhëtuan në Meksikë për operacione plastike. Ata u kapën në një shkëmbim zjarri të kartelit të drogës në qytetin kufitar të Matamoros, dhe video tregonte se po tërhiqeshin me një kamionçinë. Dy të mbijetuarit u gjetën të martën në një kasolle prej druri. /abcnews.al
