Të dielën, ora 16:00, luhet derbi i kryeqytetit mes Tiranës dhe Partizanit, i pari për këtë sezon. Bardheblutë nuk fitojnë prej shumë vitesh përballë rivalëve të tyre, por këtë fundjavë, shpresojnë të thyejnë këtë “mallkim”.
Me anë të një videoje të publikuar në faqet zyrtare të klubit të Tiranës, bardheblutë tregojnë se janë të fokusuar vetëm te sfida përballë Partizanit. Kjo video promo e derbit nxjerr në pah sukseset e klubit bardheblu, si dhe përmban disa shprehje motivuese, si: “Ne jemi Tirona!” dhe “Shkruam historinë e futbollit shqiptar”. Edhe pse është disa ditë larg, atmosfera e derbit ka filluar të ndihet.
