Është një fenomen i zakonshëm që njerëzit shkojnë në tualet pasi pinë kafe, por shumë mendojnë se mund të jetë një problem shëndetësor. Shkencëtarët nga Universiteti i Teksasit kryen kërkime pikërisht për këtë temë.
Gjatë hulumtimit të tyre, ata u dhanë minjve kafe për tre ditë, e cila arriti të rrisë lëvizshmërinë e muskujve të zorrëve, pavarësisht nga doza e kafeinës.
“Lëvizshmëria e muskujve të zorrës së hollë u rrit te minjtë pas tre ditëve të konsumimit të kafesë. Kjo do të thotë se minjtë, ashtu si njerëzit, duhej të kishin jashtëqitje të shumtë pasi kishin pirë kafe. Madje numri i baktereve në feçet e tyre u ul. Është interesante që këto efekte janë të pavarura nga kafeina, sepse kafeja pa kafeinë ka pasur një efekt të ngjashëm në tretjen e tyre”, tha autori kryesor i studimit, Xuan Zheng Shi, për britaniken “Mirror”.
Supozohet se efekti laksativ i kafesë është për shkak të vetive të saj acidike. Është vërtetuar se nivelet më të larta të acidit të stomakut, i cili krijohet falë acidit klorogjenik në kafe, aktivizon punën e sistemit tretës. Pra, herën tjetër që kafeja ju detyron të vizitoni tualetin, sigurohuni që është kafe dhe gjithçka është në rregull me shëndetin tuaj.
Shumë njerëz pyesin nëse kafeja është e shëndetshme për trupin tonë, kjo është një pyetje që ekspertët e bëjnë shpesh. Natyrisht që i jep organizmit shumë përfitime, por ka ende disa gjëra që duhet t’i kushtoni vëmendje.
Kafeja është një antioksidant i rëndësishëm. Një filxhan kafe e zezë e pastër në stomak bosh stimulon prodhimin e acidit në stomak, i cili nuk është veçanërisht i dobishëm për njerëzit me gastrit./abcnews.al
