Ka shkuar në 170 numri i të vdekurve nga koronavirusi. Një rast është konfirmuar në Tibet, ndërsa virusi tani është përhapur në çdo rajon të Kinës.
Autoritetet kineze të shëndetit kanë thënë se janë 7,711 raste të konfirmuara në vend që nga 29 janari.
Infeksionet janë përhapur edhe në të paktën 16 vende të tjera. Organizata Botërore e Shëndetit (OBSH) do të mblidhet të enjten për të diskutuar nëse virusi përbën një emergjencë globale shëndetësore.
“Në ditët e fundit përparimi i virusit, veçanërisht në disa vende, veçanërisht transmetimi nga njeriu te njeriu, na shqetëson”, tha Drejtori i Përgjithshëm i OBSH-së Tedros Adhanom Ghebreyesus të Mërkurën.
“Megjithëse numrat jashtë Kinës janë ende relativisht të vogla, ata mbajnë potencialin për një shpërthim shumë më të madh.”
Virusi mendohet se ka origjinën nga kafshët e egra të tregtuara në mënyrë të paligjshme në një treg produktesh deti në Wuhan, kryeqyteti i provincës Hubei dhe ku janë raportuar shumica e rasteve dhe vdekjeve.
Megjithëse ka pasur disa raste kur mendohet se janë përhapur mes njerëzve, shumica e rasteve të konfirmuara janë njerëz që janë nga Wuhan ose kanë pasur kontakte të ngushta me dikë që kishte qenë atje./abcnews.al
