Shkëndija e Tetovës vazhdon me merkaton, pasi kampionatin nuk e ka nisur mirë. Kuqezinjtë sot kanë zyrtarizuar sulmuesin 23-vjeçar, Adenis Shala, i cili kohë më parë krahasohej edhe me Bernard Berishën.
Shala ka nënshkruar për një vit, ndërkohë që në marrëveshje ka një klauzolë që e zgjat bashkëpunimin edhe me tre sezone të tjera.
Sulmuesi anësor vjet ishte pjesë e Trepça ’89, ndërkohë që në të shkuarën ka luajtur me Flamurtarin e Prishtinës, Vllaznimin e Gjakovës, Feronikelin, Ferizajin dhe Gjikalin.
Në moshë të vogël Shala iu bashkua edhe Hajduk Split U19 dhe më pas kaloi te gjiganti turk Fenerbahce, me ekipin e 21-vjeçarëve. /abcnews.al
