Ish-trajneri i Teutës, Bledi Shkëmbi, është i ftuar në Pressing, në ABC News. Trajneri i njohur, e nisi fjalën e tij me ndeshjen Teuta-Tirana, që u fitua me rezultatin 1-0 nga “Djemtë e Detit”.
“Presioni është normal në këtë fazë kampionati. Tirana ka pasur gjithmonë presion, në kuptimin e mirë të fjalës. Mbrapa ka Kukësin, një ekip me shumë cilësi. Tirana nuk duhet të ketë panik dhe presion, humbi një ndeshje, por nuk mendoj se e humbi Tirana, por e fitoi Teuta. Teuta bëri ndeshjen më të mirë të sezonit, më ka pëlqyer shumë.
Teuta ka meritë për atë fitore, nuk dua të fajësoj as Tiranën dhe as trajneri. Ishte e vështirë për të gjetur një lojtar të dobët te Teuta në atë ndeshje kundër Tiranës. Këto ndeshje janë prova zjarri për Tiranën, luan kundër Vllaznisë, ndoshta nuk është mirë në anën fizike. Por Tirana nuk do e ketë të thjeshtë, Vllaznia në ndeshjet jashtë luan më mbledhur. Do të jetë një ndeshje e vështirë për Tiranën, por ka shumë cilësi si ekip”, u shpreh Shkëmbi./abcnews.al
