Mbrojtësi francez, William Saliba, bëri një sezon të shkëlqyer vitin e shkuar me ekipin e St. Etienne. Edhe pse asaj kohe vetëm 17 vjeç, iu besua qendra e mbrojtjes dhe Saliba e shpërbleu besimin, duke bërë ndeshje shumë të mira.
Në Francë, e konsiderojnë si “Mbappe i mbrojtjes”, dhe jo më kot Arsenali pagoi plot 27 milion sterlina për shërbimet e tij. “Topçinjtë” vendosën ta lënë edhe këtë sezon te St. Etienne, në formë huazimi.
Saliba, vetëm 18 vjeç, ka folur për mediet franceze, duke thënë se fokusi i tij për momentin, është vetëm te St. Etienne: “Tani, jam i fokusuar 300% te St. Etienne. Mendja ime është vetëm këtu. Vitin tjetër, do të jem tek Arsenali, por gjithmonë i kam ndjekur dhe i kam parë rezultatet e tyre”. Saliba do t’i bashkohet Arsenalit në verë dhe konsiderohet si e ardhmja e klubit londinez në prapavijë./abcnews.al
William Saliba: “For now, I’m 300% focused on Saint-Étienne. My head isn’t elsewhere. Next year, I’ll be at Arsenal, but I still follow their results.” (@le10sport) pic.twitter.com/uAUT4Sup8G
— WorldwideArsenal™ (@WorldwideAFC) February 13, 2020
