“Harkëtarët” e Ajax e kanë gati trajnerin e ri. Klubi holandez ka vendosur t’i besojë pankinën italianit Francesco Farioli, i cili vjen pas një sezoni mjaft pozitiv me francezët e Nice në Ligue 1, ku arriti të thyejë pritshmëritë dhe të garojë në nivele të larta.
Pavarësisht se është vetëm 35 vjeç Farioli ka firmosur me “gjigantët” e Holandës një kontratë që do ta mbajë të lidhur deri në verën e 2027-ës, teksa pritet të nisë menjëherë nga puna për ndërtimin e skuadrës dhe rikthimin e Ajax në nivelet më të larta të futbollit holandez.
Francesco Farioli ka një kontratë të shkurtër si trajner, pasi ka qenë më parë te turqit e Fatih Karagumruk e më pas tek Alanyaspor, teksa u bë i njohur vetëm sezonin që sapo u mbyll, me punën fantastike të bërë te Nice. /i.m /abcnews.al
