Shkatërrohet banda e drogës në Greqi, arrestohen 7 persona. Mediat greke shkruajnë se n jë organizatë kriminale, anëtarët e së cilës kultivonin bimë kanabis dhe trafikonin drogë në zonat e Atikës, Lakonisë dhe Aitoloakarnanisë, u çmontua nga Departamenti i Prokurorisë së Drogës në Kalamata.
Të arrestuarit janë nga mosha 22 deri në 68 vjeç.
Sipas policisë, pas shfrytëzimit të informacioneve të mbledhura nga oficerët e Prokurorisë së Narkotikëve të Kalamatës, operacione paralele u kryen në zonat e Atikës, Lakonisë dhe Aitoloakarnanisë, ku u kryen shtatë arrestimet, ndërsa, siç rezultoi nga hetimet , të pandehurit kanë qenë aktivë, kryesisht në pesë muajt e fundit, në trafikun e kanabisit dhe kokainës.
Ndër të tjera nga hetimet e policisë thuhet se sasitë e kanabisit vinin nga një plantacion në Etoloakarnani, të kultivuara nga një 68-vjeçar i arrestuar dhe më pas, nëpërmjet anëtarëve të tjerë, ishin kanalizuar në zonat e Atikës dhe Lakonisë.
Në fakt, anëtarët e organizatës kriminale, pasi kishin marrë drogën, përdornin taksi për të shkuar në strehë apo në shtëpi, për të shmangur mundësinë e vëzhgimit.
Ndërkohë gjatë kontrolleve në banesat dhe ambientet e të arrestuarve, policia gjeti ndër të tjera mbi 10 kilogramë kanabis, 10 gramë kokainë, rreth një kilogram farë kanabisi, 70 gëzhoja të llojeve dhe kalibrave të ndryshëm, një jelek antiplumb, gjashtë peshore precize , një shumë prej 1805 eurosh etj./abcnews.al
