Romelu Lukaku u transferua në verë tek Interi për rreth 60 milionë euro dhe në kampin zikaltër janë të kënaqur me atë që sulmuesi belg po bën në fushën e blertë. Deri më tani ai ia ka dalë të shënojë 16 gola në Serie A, një shifër e mirë duhet thënë.
“Defekti” është se Lukaku në “San Siro” po shënon pak, por në transferta është një përbindësh. Madje belgu në ndeshjet jashtë ka shënuar më shumë se çdo futbollist tjetër në pesë “top” ligat europiane. Lukaku në transferta e ka gjetur rrugën e rrjetës 12 herë.
LEXO EDHE: Conte: Këmbëngula unë për Lukakun! Udinese? U mësuam me këtë mënyrë tani
Sa i takon luftës për “Këpucën e Artë” në Itali, gara është mjaft e fortë dhe sulmuesi i Interit do e ketë të vështirë të renditet i pari. Ciro Immobile po bën kërdinë, pasi ka shënuar 25 gola deri më tani.
Lojtari i Lazio është ndihmuar edhe nga penalltitë, pasi ka realizuar 9 herë prej tyre. Lukaku ka shënuar katër gola me 11-metërsha. Më shumë se belgu Interi ka shënuar edhe Cristiano Ronaldo, 19 gola (7 me penallti). /abcnews.al
