Shifra të larta të infektuarish me Covid 19 janë shënuar gjatë orëve të fundit në Greqi.
Gjatë 24 orëve të fundit autoritete shëndetësore vendase bëjnë me dije se numri i rasteve të reja ditore ka shkuar në 3 789 ndërsa kanë humbur jetën 87 persona.
Ndërkohë një ditë më parë numri i të infektuarve ditorë me Covid në Greqi ka qenë 1 607 raste të reja. Ndërkohë mosha mesatare e viktimave nga Covid në Greqi është mbi 70 vjeç.
Nga fillimi i pandemisë e deri më tani numri i përgjithshëm i të infektuarve me Covid ka shkuar në 316,879 mes të cilëve 275,553 kanë fituar betejën me Covid dhe 9,540 qytetarë kanë humbur jetën. e.su./abcnews.al
