Të paktën 271 persona kanë humbur jetën që nga fillimi i muajit për shkak të përmbytjeve të shkaktuara nga shirat e dendur në Kolumbi.
Gjithashtu, sipas një raporti të Agjencisë së Menaxhimit të Fatkeqësive Natyrore (UNGRD), sezoni i shirave të këtij viti në Kolumbi pritet të jetë më i gjati në 40 vite, duke vlerësuar se mund të zgjasë deri në mars.
Shirat, të lidhura me fenomenin La Nina dhe ndryshimet klimatike, janë intensifikuar gjatë tre javëve të fundit, duke prekur 745,000 njerëz në 32 rajone të vendit, sipas UNGRD.
348 persona janë lënduar, 6,755 shtëpi dhe qindra rrugë dhe ura janë shkatërruar si pasojë e përmbytjeveve masive.
Sezoni i dimrit në Kolumbi zakonisht zgjat deri në dhjetor, por ekziston mundësia që të zgjatet deri në shkurt dhe ndoshta në mars, sipas një paralajmërimi të drejtorit të UNGRD-së Javier Pava në një konferencë për shtyp.
Qeveria e Presidentit Gustavo Petros shpalli gjendjen e emergjencës, për shkak të përmbytjeve. Për shkak të dëmeve, çmimet e ushqimeve pritet të rriten më tej, paralajmëroi gjithashtu UNGRD.
Ndërkohë, Kolumbia ka shënuar inflacionin më të lartë në dekada (11.4% nga viti në vit) dhe një rënie të hryvnia kundrejt dollarit amerikan.
/abcnews.al
