Dy gola dhe një debutim. Kjo mund të jetë përmbledhja e kontributit të disa prej futbollistëve shqiptarë për ekipet e tyre në Europë.
Julian Shehu, mesfushori I ri I kombëtares, vazhdon momentin e shkëlqyer në elitën e Polonisë.
Ai shënoi një gol të veçantë për ekipin e tij, Vidzev të Lodzit, për barazimin e përkohshëm 1-1 në 73’, ndonëse në fund skuadra venase, Korona Kielce, fitoi 2-1.
Ai ia del të tundë rrjetën në ndeshjen e tretë radhazi, ndërsa 26-vjeçari ka 4 gola në 5 ndeshjet e fundit në Ekstraklasa.
Një goditje gjithashtu speciale edhe në elitën e futbollit rumun.
Ish-sulmuesi I Partizanit, Xhuliano Skuka, që ishte për disa kohë I harruar, duket se e ka gjetur veten tek Poli Iashi.
Ishte ai që I dha fitoren skuadrës në fushë kundërshtare, ndaj Glorias së Buzëut.
Skuka shënoi që në minutën e dytë, me teknikë të veçantë, dhe ky ishte goli I tij I dytë në 7 ndeshjet e fundit.
Ende jo shumë, por sulmuesi dibran po e merr veten.
Ndërkaq, kjo fundjavë nuk do të harrohet nga Adrian Bajrami.
Mbrojtësi I kombëtares debutoi më në fund tek ekipi I parë I Benfikës në Portugali.
“Shqiponjat” e Lisbonës fituan 5-0 në fushën e Tirenses, në gjysmëfinalen e parë të Kupës portugeze, dhe Bajrami ishte në fushë titullar e luajti deri në fund.
Njëzetetrevjeçari mori vlerësim të mirë nga “sofaskor”, notën 7, për pasimet e sakta dhe spastrimet e zonës, ndonëse bëri edhe gabime.
Shpresa është që Bajrami të mund të luajë më rregullisht në një nga skuadrat më të shquara të Europës.
