Të paktën 99 persona dyshohet se ndodhen në gërmadha, ndërsa vazhdon operacioni për të mbijetuar pas shembjes së pallatit 12 katësh në Miami
Shefi i zjarrfikëses Jason Richard, tha për CNN se ndërsa ekipet e shpëtimit po kërkojnë nën rrënoja për të mbijetuar, ata gjithashtu po punojnë për të identifikuar se cilat hapësira janë të sigurta dhe në cilat zona nevojiten materiale shtesë për t’u siguruar që pjesë tjetër e ndërtesës nuk do të shembet ndërkohë që vazhdojnë kërkimet.
Richard tha se kërkimi filloi në majë të rrënojave, më pas në zonat ku ata mund të dëgjonin zhurma, me zjarrfikësit që ndiqnin zhurmat dhe shpëtonin njerëzit që thërrisnin për ndihmë.
Më pas ata filluan të kërkojnë në garazhin e parkimit. Richard tha se ekipet e shpëtimit po përdorin qen nga Departamenti i Shpëtimit të Zjarrit në Miami-Dade dhe Florida Task Force One, si dhe pajisje dëgjimi për të kërkuar të mbijetuarit.
Sipas Richard, edhe pse situata është një kolaps, ai tha se ndërsa pllakat e betonit rrëshqasin, ato krijojnë zbrazëtira.
“Kështu që ne shpresojmë që do të gjejmë të mbijetuar në ato hapësira dhe kemi identifikuar boshllëqe duke përqendruar përpjekjet tona pikërisht në ato hapësira,” tha ai.
Rreth 30 zjarrfikës ndodhen në vendngjarje duke kërkuar për të mbijetuar./abcnews.al
