Laçi-Tirana do të përplasin ‘brirët” në Kurbin ditën e sotme në orën 13:45, ndeshje kjo e vlefshme për javën e 13-të e cila do të jetë edhe sfida e fundit e kësaj jave.
Një sfidë e luftuar mes dy skuadrave, të cilat do kërkojnë të marrin 3 pikët e radhës për të vazhduar me objektivat e tyre.
Për këtë sfidë Orges Shehi ka një “armë” plus, teksa Redon Xhixha është bashkuar me grupin, dhe përballë ish-skuadrës së tij mund të aktivizohet disa minuta.
Nga ana tjetër Mirel Josa i beson “verbërisht” lojtarëve fitues në dy sfidat e fundit duke hedhur edhe ndaj Tiranës të njëjtin formacion që e nxori fitues kundër skuadrës së Kukësit.
Formacionet e mundshme:
Laçi: Dajsinani, Roganovic, Ignjatovic, Malota, Ziko, Deliu, Shehu, Lushkja, Zarubica, Mazrekaj, Guindo. Trajner: Mirel Josa
Tirana: Bekaj, Toshevski, Behiratce, Hoxhallari, Ismajlgeci, Toli, Najdovski, Limaj, Totre, Seferi, Ngo. Trajner: Orges Shehi /f.a/abcnews.al
