Gjykata e Posaçme ka lënë në qeli ish shefin e Antidrogës së Durrësit, Gazmir Preçi. Ai akuzohet per korrupsion dhe shperdorim detyre, pasi permes shantazhit i ka kerkuar 20 mije euro pronarit te nje lokali ne zonën e plazhit ne Durres.
Përpara togave të zeza, Preçi ka kërkuar masë më të butë sigurie me pretendinim se është baba i tre fëmijëve. Në dëshminë e tij ish shefi i antidrogës mohoi te kete kercenuar dhe t’i kete kerkuara para biznesmenit
Preci tha se nuk ka patur dijeni për paratë që ishin brenda një pakoje që po i jepte pronari i një lokali në Durrës.
Preçi pretendon se ai i ka kërkuar takim në zyrën e tij të punës por ai nuk ka pranuar. Pasi janë takuar në Tiranë pronari i lokalit i ka shprehur shqetësimin se Policia e ngacmonte shpesh.
Por, nga verifikimet, paratë që i janë gjetur Gazmir Preçit në flagrancë gjate arrestimit në xhepin e pasmë të makinës së tij, përkojnë me numrat seriale të parave që Agjentët e Byrosë Kombëtare të Hetimit i kanë dhënë biznesmenit, për t;ja dorezuar preçit, pasi denoncoi rastin e skemës së gjobvënies.
Momenti I marrjes së parave është dokumentuar nga agjencia e mbikëqyrjes policore dhe prokororia e posaçme me pamje filmike.
Shefi i sektorit kunder trafiqeve dhe droges ne policine e Durresit Kryekomisar Gazmir Preçi, i cili u arrestua pas hetimeve të kryera nga SPAK dhe AMP, ka qene i ndaluar dhe me heret i dyshuar per perfshirje ne kultivim kanabisi./abcnews.al
