Dy punonjës të policisë në Rinas u vunë në pranga pasi dyshohet se ishin pjesë e një grupi të strukturuar kriminal. Ata akuzohen se ndihmonin persona të ndryshëm për kalimin e kufirit në kundërshtim me procedurat ligjore. Ministria e Brendshme njoftoi për arrestimin e Almir Dodës, 42 vjeç dhe Edmond Llaçinit 34 vjeç, të cilët u vunë në pranga nga SHÇBA, pas një hetimi disamujor me metoda special. Ata akuzohen për “Ndihmë të kalimit të paligjshëm të kufirit” dhe “Grup i strukturuar kriminal”. Për të dy efektivët e policisë, Gjykata e Shkallës së Parë për Krimet e Rënda vendosi masën e sigurisë “Arrest me burg”./abcnews.al
