Zyrtarët në Massachusetts raportuan të mërkurën rastin e parë me linë e majmunëve, sipas The Guardian.
I infektuari është një burrë që kishte udhëtuar në Kanada dhe zyrtarët shëndetësorë po shqyrtojnë nëse ai ka lidhje me rastet që janë raportuar në Europë. Një numër i vogël i rasteve të konfirmuara ose të dyshuara janë raportuar këtë muaj në Mbretërinë e Bashkuar, Portugali dhe Spanjë.
Zyrtarët shëndetësorë në SHBA thanë se janë në kontakt me zyrtarë në Mbretërinë e Bashkuar dhe Kanada si pjesë e hetimit. Rasti në SHBA nuk paraqet rrezik dhe burri është shtruar në spital, por ndodhet në gjendje të mirë, thanë zyrtarët.
Megjithatë, hetuesit në Europë thonë se shumica e rasteve janë raportuar te meshkujt homoseksualë ose biseksualë.
/abcnews.al
