Sekretari amerikan i Shtetit, Anthony Blinken, njoftoi sot se SHBA do të japë 100 milionë dollarë ndihmë shtesë për të prekurit nga tërmeti që ka vrarë rreth 45,000 në Turqi dhe në Siri.
Blinken ndodhej në Mynih, Gjermani për Konferencën e Sigurisë, ku nga aty udhëtoi në Turqi për të treguar mbështetjen e Shteteve të Bashkuara për aleatin e saj në NATO. Ai vizitoi bazën ajrore Incirlik në pjesën juglindore të vendit.
Në këtë bazë janë stacionuar rreth 1500 ushtarë amerikanë, dhe një pjesë e ndihmave humanitare për zonat e prekura nga tërmeti 7.8 ballë i 6 shkurtit. Gjithashtu është vendi ku Anthony Blinken u nis me një helikopter mbi provincën e goditur të Hatay (juglindje).
Tërmeti është fatkeqësia më e madhe për Turqinë dhe ka shkaktuar, sipas numërimit të fundit, 40,642 të vdekur vetëm në vend.
Do të duhet një përpjekje e madhe për të rindërtuar
“Kur të shohim shkallën e dëmtimit, numrin e ndërtesave, numrin e apartamenteve, numrin e shtëpive të shkatërruara, do të duhet një përpjekje e madhe për t’u rindërtuar dhe ne jemi të përkushtuar ta mbështesim atë përpjekje,” tha Blinken.
“Ne po shtojmë 100 milionë dollarë për të ndihmuar ata që janë në nevojë të dëshpëruar,” tha ai.
Sekretari amerikan i shtetit pritet të takohet me zyrtarë ushtarakë që po koordinojnë ndihmën e SHBA.
Pasditen e sotme, autoritetet turke njoftuan përfundimin e kërkimit, përveç dy provincave ku shanset për të gjetur të mbijetuar mbeten të pakta, në Kahramanmaras, ku ishte epiqendra, dhe në Hataj, ku diplomati amerikan mundi të shihte shkallën e shkatërrimit.
Shtetet e Bashkuara një ditë pas tërmetit kanë vendosur disa ekipe kërkimi dhe shpëtimi në Turqi, dhe kanë lëshuar një këst fillestar prej 85 milionë dollarë ndihmë humanitare. Ata vendosën dërguan helikopterë Black Hawk dhe Chinook për të transportuar furnizime.
Kombet e Bashkuara kanë bërë thirrje për ndihmë ndërkombëtare për të mbledhur një miliard dollarë për Turqinë.
Blinken do të shkojë në Ankara ku nesër do të takohet ndër të tjera me presidentin Recep Tayyip Erdogan. /abcnews.al
