Një diplomat i lartë amerikan u ka kërkuar aleatëve të Ukrainës që të ndihmojnë vendin e goditur nga lufta për të përmbushur nevojat e tij “të menjëhershme dhe urgjente”, jo vetëm rindërtim afatgjatë.
Shumë vende përfunduan një konferencë dy-ditore që synonte të ndihmonte Ukrainën të rimëkëmbet nga lufta.
Scott Miller, ambasadori i SHBA-së në Zvicër, i shtoi një dozë urgjence Konferencës së Rimëkëmbjes së Ukrainës në Lugano, në të cilën kryeministri ukrainas një ditë më parë prezantoi një plan prej 750 miliardë dollarësh për të ndihmuar vendin e tij të rimëkëmbet tani, aty ku është e mundur, si dhe menjëherë pas luftës dhe në planin afatgjatë.
Shumë pjesëmarrës theksuan se përpjekjet ka të ngjarë të zgjasin shumë vite dhe rindërtimi do të duhej të bëhej në disa faza.
Disa kërkuan mbështetje për Ukrainën përgjatë linjave të Planit Marshall të SHBA për Evropën pas Luftës së Dytë Botërore, duke lënë të kuptohet për një projekt kolosal afatgjatë.
“Ndërsa ne e njohim rëndësinë e përgatitjes për të ardhmen e Ukrainës, të gjithë ne duhet të përmbushim angazhimet tona për t’i siguruar Ukrainës nevojat e saj imediate dhe urgjente,” tha Miller, një nga shumë të dërguarit e qeverisë që dënoi luftën e Rusisë dhe detajoi mbështetjen e tyre për Ukrainën./Abcnews.al/
