Administrata Biden ka vendosur të heqë ndalimin e shitjes së armëve nga SHBA në Arabinë Saudite, i thanë Reuters të premten tre burime të njohura me këtë çështje, duke përmbysur një politikë trevjeçare të presionit mbi Mbretërinë për t’i dhënë fund luftës në Jemen.
Qeveria amerikane njoftoi Kongresin këtë javë për vendimin e saj për të hequr ndalimin, tha një ndihmës i kongresit, ndërsa një burim i tha Reuters se shitjet mund të fillonin që në fillim të javës së ardhshme.
Arabia Saudite konsiderohet si klienti më i madh i shitjeve të huaja ushtarake të Amerikës (FMS), me më shumë se 84.3 miliardë dollarë furnizime armësh.
Aktualisht, Arabia Saudite ka buxhetin e pestë më të madh të mbrojtjes në botë pas Shteteve të Bashkuara, Kinës, Rusisë dhe Indisë./abcnews.al
