Shamrock Rovers është pengesa që duhet të kalojë Teuta në raundin e tretë të Conference League. Sfida e parë luhet ditën e enjte në Irlandë (5 gusht, 21:00), teksa një javë më pas do zhvillohet dueli i kthimit në “Elbasan Arena”.
Shamrock kryeson Premier Division e Irlandës, teksa pritet të humbasë një nga titullarët e ekipit. Celtic është afër akordit me Liam Scales, i cili luan si qendër e mbrojtjes me tre (por edhe si shkatërrues), sistem me të cilin luajnë rivalët e Teutës.
Mediat irlandeze shkruajnë se ylli i Shamrock do të transferohet te gjiganti skocez për një shumë që kalon shifrën e 1 milion eurove. 22-vjeçari (5 ndeshje me Irlandën U21) mund të mungojë në ndeshjen e parë, një lajm i mirë ky për skuadrën e Martinit. /abcnews.al
