Shaip Kamberi nga lista “Beteja politike e shqiptarëve vazhdon” ka fituar me shumicë dërrmuese zgjedhjet në Bujanovc dhe Preshevë me 11 454 vota.
Këtë e ka konfirmuar ai për ABC News. Në garë për postin e deputetit ishte edhe Visar Mehmeti nga lista tjetër “Alternativa Demokratike Shqiptare-Lugina e Bashkuar”.
“Mesazhi është i qartë. Lugina e Preshevës do bashkëpunim me Kosovën dhe jo konfrontim”, theksoi Kamberi.
Deri në mbylljen e votimit në orën 20:00, në Bujanoc votuan 40 për qind, ndërsa në Preshevë mbi 20 për qind.
Shqiptarët e Luginës së Preshevës garuan në zgjedhjet e sotme serbe me dy lista: “Beteja politike e shqiptarëve vazhdon – Shaip Kamberi” dhe “Alternativa Demokratike Shqiptare-Lugina e Bashkuar”./abcnews.al
