Paul Pogba është në dyshim për të qenë i gatatshëm për ndeshjen mes Manchester United dhe Liverpool, që do të luhet në 20 tetor. Kampioni Botës u kthye pas një muaji jashtë fushave në takimin e Carabao Cup kundër Rochdale, si dhe u aktivizua titullar në barazimin 1-1 ndaj Arsenalit.
Pogba është lënë jashtë listës të së grumbulluarve për ndeshjen kundër AZ Aalkmar. Trajneri Ole Gunnar Solskjaer tha se dëmtimi i Pogba nuk është serioz, por trajneri i Francës, Didier Deschamps, pranoi se mesfushori do të mungojë për më shumë se një muaj.
Ndeshja mes Manchester United dhe Liverpool është shumë e rëndësishme për të dyja skuadrat, sidomos për “Djajtë e Kuq”, që po kalojnë një moment për t’u harruar. Mungesa e Pogba shton ndjeshëm problemet për Solskjaer, që rrezikon dhe stolin e tij./abcnews.al
