Sezoni turistik nis me plazhe të ndotura dhe çmime të larta në Vlorë, turisti: Nuk ka roje bregdetare

E diela e parë e muajit qershor ka shënuar rritje të pushuesve në plazhet e Vlorës.

Pjesa më e madhe e pushuesve thonë se problematike është pastrimi I plazheve.

Një prej pushuesve që frekuenton plazhi publik thotë se u detyrua, që të heqë vetë mbeturinat nga rëra.

“Kjo është puna e ndërmarrjes së Bashkisë duhet të vijnë ti marrin me makinë, se me duar nuk merren. Unë o pastrova.”

“Në plazhet private gjendja nuk është aq e mirë, çadrat janë të vjetrat shezlongët, rëra e papastruar.”

Një shqetësim tjetër është dhe siguria, pasi mungojnë rojet bregdetare.

“Nuk shohim roje, mos janë të padukshëm, mos janë në plazh.”

Këtë sezon çmimi i shezlongëve është rritur nga 100 deri 200 lekë.

“Vjet paguaja 3 qind lekë këtë vit 5 qind të reja. Ka ndikuar çmimi I naftës tek kashta!”

“Vjet ka qenë 400 lekë këtë vit 500 lekë.”

Edhe në Durrës pushuesit kanë të njëjtat ankesa, për higjienën dhe rritjen e çmimeve.

“Ka nevojë për më shumë pastërti. Vjet paguam 3 mijë për shezlong tani 4-5 mijë. Ka e shezlonge me 10 mijë.”

“Po arrij pensionin. Shezloni me çadra 10 mijë lekë, s’është normale edhe këtu ka import. U detyrova të merrje për hatër të mbesës se unë nuk e dua.”