Sadio Mane ka bërë paraqitje të shkëlqyera që nga koha kur u transferua te Liverpool disa vite më parë, nga skuadra e Southampton.
Sulmuesi senegalez fitoi Champions League me të kuqtë sezonin e shkuar, ndërsa këtë sezon, ka qenë ndër më të mirët në Premier League, duke ndihmuar skuadrën e tij të ruajë kreun e renditjes që nga java e parë.
Mane bëri një muaj nëntor të shkëlqyer dhe sot është vlerësuar nga Premier League, duke u shpallur lojtari më i mirë i muajit. Liverpool ka marrë 15 fitore në 16 ndeshjet e para në Premier League dhe vazhdon të mbetet skuadra e vetme që nuk ka asnjë humbje në kampionatin anglez të futbollit.
Mane ka statistika personale të shkëlqyera, pasi ka shënuar 9 gola dhe ka asistuar katër herë për shokët e skuadrës. I shkëlqyer!/abcnews.al