Kryeministri i Koresë së Jugut, Han Deok-su deklaroi se Seuli do të pezullojë pjesërisht marrëveshjen ushtarake të nënshkruar me Korenë e Veriut në vitin 2018, njoftoi agjencia e lajmeve Yonhap.
Njoftimi vjen pasi Pheniani njoftoi se kishte lëshuar me sukses një satelit ushtarak të martën.
Udhëheqësi i vendit komunist, Kim Jong Un, mbikëqyri lëshimin, duke shtuar se Pheniani do të lëshojë satelitë të tjerë në të ardhmen.
Për disa javë, zyrtarët ushtarakë dhe qeveritarë të Koresë së Jugut kishin treguar se Seuli mund të pezullonte pjesërisht marrëveshjen nëse Pheniani vazhdon me nisjen, duke argumentuar se regjimi kishte shkelur në mënyrë të përsëritur paktin, i cili kufizoi aftësitë e Seulit për të mbajtur një sy te fqinji i tij./abcnews.al
