U deshën pesë javë për të siguruar fitoren e parë të këtij sezoni.
“Verdhekuqtë” e Roma arritën një fitore të madhe pasditen e kësaj të diele, teksa në “Stadio Olimpico” mundën me rezultatin e thellë, 3-0, skuadrën e Udinese, në sfidën e parë nën drejtimin e teknikut kroat, Ivan Juric.
Të parët që çuan topin në rrjetë për “Ujkonjat” ishin Artem Dovbyk e Paulo Dybala, me “bomberin” ukrainas që dërgoi topin në rrjetë në minutën e 19’-të, ndërsa “ylli” argjentninas shëndërroi në gol një penallti në të 49’-ën minutë.
Për të “vulosur” shifrat 3-0 mendoi talenti italian Tommaso Baldanzi, i cili shfrytëzoi më së miri një asistim të Dovbyk për të dërguar topin në rrjetë.
Falë këtij triumfi Roma ka ngjitur jo pak shkallët e renditjes, duke u pozicionuar tashmë në vendin e nëntë, me 6 pikë, ndërsa Udinese bie në vendin e tretë, me 10 pikë, po aq sa Napoli, por me një golavarazh më negativ. /i.m /abcnews.al
