Kryetari i Komisionit për të Pagjeturit në Qeverinë e Serbisë, Velko Odaloviç, ka konfirmuar sot se në një gurore në Kizhevik afër Rashkës janë gjetur eshtra, për të cilat Fondi për të Drejtën Humanitare ka theksuar se mund ti përkasin 15 civilëve shqiptarë të zhdukur gjatë luftës në Kosovë.
Odaloviç, duke folur për portalin “Kossev”, tha se ata trupa janë gjetur dje dhe se lokacionin e ka siguruar policia.
Ai nuk ka mundur të konfirmojë njoftimet e FDH-së se bëhet fjalë për 15 trupa civilësh shqiptarë nga Rezalla, Zabeli dhe Gllanasella, të cilët janë të zhdukur nga lufta e Kosovës.
Gërmimet në lokalitetin Kizhevik kanë nisur nëntorin e vitit 2015, ndërsa në qershorin e vitit 2014, në një lokacion tjetër në Rudnicë, janë gjetur 47 trupa të pajetë të të zhdukurve nga Kosova.
“Puna jonë është transparente, ne kemi një ekip profesional shumë kompetent. Siç kemi vepruar me vendndodhjen në Rudnicë, kështu që ne po punojmë për këtë, në lidhje me të cilën janë kryer kontrolle në 4-5 vitet e fundit”, ka thënë Odaloviç.
“Tani për tani, është ende çështje e personave të paidentifikuar.” Vetëm kur të bëhet analiza e ADN-së, identiteti i tyre konfirmohet, “tha ai./abcnews.al
