Shumë qytetarë serbë janë mbledhur para një murali të kriminelit të dënuar për gjenocid, Ratko Mlladiç në Beograd. Murali tani po mbrohet nga ana e xhandarmërisë serbe, ndërkohë që disa orë më parë u sulmua aktivistja Aida Çoroviç, pasi ajo hodhi vezë mbi një mural me imazhin e kriminelit Mlladiç.
“Xhandarmëria ia mban grafitin kriminelit të luftës dhe nuk na lejon të kalojmë ne qytetarët”, shkruan aktivisti Marko Mihailoviç në Tëitter dhe tregon pamjet e policëve serbë që janë mbledhur aty.
Shumë aktivistë janë mbledhur në kryeqytetin e Serbisë për të protestuar ndaj arrestimit të Aida Çoroviç.
Shkrimtari serb, Vladimir Arsenijeviç ishte dëshmitar i sulmit ndaj aktivistes Aida Çoroviç, pasi ajo hodhi vezë mbi një mural me imazhin e kriminelit serb, Ratko Mlladiç në Beograd. Ajo u arrestua nga policisë me rroba civile.
