Senegali ka ndaluar aplikacionin e rrjetit social TikTok deri në njoftimin e mëtejshëm sepse kërcënon stabilitetin e vendit, njoftoi sot ministri i Komunikimeve, disa ditë pas kufizimit të përdorimit të internetit në celular gjatë protestave të opozitës.
“Është vërejtur se TikTok favorizon njerëzit që kanë qëllime të këqija për të përhapur mesazhe urrejtjeje dhe subversive që kërcënojnë stabilitetin e shtetit”, tha ministria në një deklaratë, raporton Reuters.
Kufizimet erdhën pasi kreu i opozitës Usman Sonko u akuzua për komplot rebelimi, komplot kriminal dhe krime të tjera.
Protestat e dhunshme të opozitës mbahen periodikisht gjatë gjithë vitit në Senegal, mbështetësit e së cilës akuzojnë Presidentin Macky Sall për ngritjen e akuzave kundër Sonko në mënyrë që ta skualifikojë atë nga zgjedhjet e ardhshme./abcnews.al
