Katër muaj pasi një kurator i Muzeut Britanik u shkarkua nga puna për skandalin e vjedhjes dhe shitjes së antikiteteve të panumërta, menaxhmenti i ri publikoi sot më shumë informacion për sendet e humbura.
‘Zyrtarët vlerësojnë se rreth 1,500 objekte u vodhën ose “humbën” nga arkat e muzeut me artefakte greke dhe romake‘, thuhet në njoftimin e fundit për shtyp. 350 objekte të tjera janë dëmtuar dhe në disa prej tyre shkak është bërë heqja e qëllimshme e pjesëve të tyre prej floriri. Këto pjesë ari është ndoshta e pamundur të rikuperohen, pranon muzeu, duke shtuar se metalet e çmuara mund të jenë shitur tashmë.
140 objekte të tjera që mbeten në posedim të muzeut “janë dëmtuar dhe mbajnë shenja mjetesh”.
‘Nga 1500 sende që u vodhën, vetëm rreth 350 janë kthyer’, tha një zëdhënës i Muzeut Britanik në një intervistë. ‘300 objekte të tjera u identifikuan por nuk u gjetën‘.
Zëdhënësja e muzeut shtoi se një tregtar i rrallë gurësh i çmuar, Itai Gradel, është burimi i vetëm i sendeve të gjetura. Në vitin 2021, i njëjti njeri ishte i pari që paralajmëroi Muzeun Britanik për përpjekjet, pa marrë masa nga përgjegjësit.
Gradeli kishte mësuar për vjedhjet, pasi kishte blerë disa sende që më vonë kuptoi se i përkisnin koleksionit të muzeut.
Zyrtarët e fondacionit vlerësojnë se hajduti fitoi rreth 125,000 dollarë duke shitur artefakte përmes platformave të tilla si eBay. Disa nga informacionet nuk janë bërë publike për shkak të hetimeve të policisë që po vazhdojnë./abcnews.al
