Një 28-vjeçare që më parë kishte një jetë mjaft active, tashmë rri shtrirë në shtrat, pasi u bë “alergjike” ndaj gravitetit.
Lyndsi Johnson, nga Bangor në shtetin amerikan të Maine, nuk mund të qëndrojë në këmbë për më shumë se tre minuta pa i rënë të fikët dhe varet nga burri i saj për të bërë detyrat themelore.
Ish-mekanikja e marinës – e cila doli nga spitali në vitin 2018 – tani shpenzon deri në 23 orë në shtrat çdo ditë, vetëm duke u ngritur për një kohë të shkurtër për të bërë dush, gjë që duhet ta bëjë ulur.
Në një ditë të keqe, asaj mund t’i bie të fikët deri në 10 herë në ditë.
Pas vitesh debatesh mes mjekëve që kërkonin përgjigje, Johnson u diagnostikua përfundimisht me sindromën e takikardisë posturale në fillim të këtij viti.
PoTS është një rritje jonormale dhe e shpejtë e rrahjeve të zemrës që shkaktohet nga qëndrimi në këmbë ose ulur dhe mund të shkaktojë marramendje ose të fikët si rezultat.
Gjendja është e ndërlikuar për t’u diagnostikuar, por një në 100 britanikë dhe amerikanë jetojnë me një formë të gjendjes.
Kur ngrihemi në këmbë, graviteti natyrshëm tërheq një pjesë të gjakut tonë poshtë në bark, duart dhe këmbët tona.
Normalisht, një përgjigje automatike trupore e kompenson këtë ndryshim me një rritje të lehtë të rrahjeve të zemrës për të ruajtur rrjedhën normale të gjakut.
Por për ata që vuajnë nga PoTS kjo përgjigje nuk nxitet siç duhet dhe rrahjet e tyre të zemrës rriten me shpejtësi në përgjigje të ndryshimit të papritur të presionit të gjakut, duke çuar në nauze, marramendje dhe madje edhe të fikët. /abcnews.al
