Rreth 57 kilogramë kanabis është sekuestruar gjate një operacioni antidrogë në Fier. Dy persona kanë përfunduar në pranga kurse dy të tjerë janë shpallur në kërkim. Lënda narkotike u gjet në banesat e shtetasve të ndaluar në fshatin Cakran.
Policia sekuestroi edhe një armë zjarri dhe municion luftarak. Ndërsa 73 kilogramë marijuanë është bllokuar gjatë një aksioni tjetër antidrogë në kufirin greko-shqiptar, në Janinë.
Policia greke ka ndaluar një mjet që vinte nga kufiri i gjelbër dhe brenda makinës u gjetën 47 pako me 73 kilogramë drogë. Gjatë operacionit është arrestuar një shtetas grek. /ABC News Albania 24/7
