Ronaldo fenomeni u aktivizua vetëm një vit me Barcelonën përpara se të kalonte tek Interi në vitin 1997. Braziliani i famshëm i është rikthyer së kaluarës, ndërsa ndalet edhe të transferimi te Real Madrid, aty ku kaloi në vitin 2002.
“Kisha rinovuar me Barcelonën në fund të sezonit dhe më pas u grumbullova me Brazilin. Pesë ditë më vonë më telefonuan dhe më thanë që nuk bëhej gjë. Unë nuk pata mundësi për të vendosur. Dëshiroja të qëndroja te Barcelona, por klubi mendonte ndryshe.
Real Madrid? Roberto Carlos me fliste gjithmonë në kombëtare për Realin. Fjalët e tij kanë ndikuar shumë tek unë. Vite më vonë doja të provoja me sytë e mi se çfarë do të thoshte të luaje me Real Madrid dhe zbulova një klub edhe më të madh. Kishte pritshmëri të mëdha nga skuadra që krijuam. Ishim spektakolarë, një brez fitues dhe ndryshuam industrinë e futbollit“, thekson Ronaldo. /abcnews.al
