Ky sezon në Bundesligën gjermane, është padiskutim më i bukur i viteve të fundit. Kjo për shkak se Bayern nuk po arrin të tregojë dominancën e viteve të fundit dhe plot pesë skuadra po rivalizojnë për kreun e tabelës.
Leipzig mori kreun këtë javë (33 pikë), pas fitores në transfertë 0-3 ndaj Dusseldorf. Sot, M’Gladbach kishte mundësinë të rimerrte kreun, por u mposht nga Ëolfsburg me rezultatin 2-1. Megjithatë, ekipi i Gladbach mbetet në vend të dytë, me 31 pikë.
Në vend të tretë, është Borussia Dortmund, që po ashtu triumfoi këtë javë. Verdhezinjtë janë në kuotën e 29 pikëve. Me një pikë më pak në vend të katërt, është Schalke. “Mbretërorët Blu” fituan sot përballë Eintracht Frankfurt, duke u ngjitur në kuotën e 28 pikëve. Bayern në vend të pestë, ka 27 pikë, si dhe shumë punë për të bërë në rast se dëshiron të ruajë statusin e kampionit./abcnews.al
