E ardhmja e Kylian Mbappe është prej kohësh në dyshim. Kontrata e sulmuesit përfundon në verën e vitit të ardhshëm dhe rinovimi nuk është aktualisht në plane. Bruno Satin, agjent i lojtarëve në Francë zbulon se Mbappe dhe prindërit e tij kanë marrëveshje me Real Madrid.
“Mbappe është gati të kalojë te Real Madrid. Gjithashtu kam informacion se Mbappe dhe familja e tij kanë marrëveshje me Real Madrid. Gjithsesi, do duhet edhe pajtimi i PSG për të rënë dakord për shitjen e lojtarit.
Pronarët nga Katari të PSG kanë treguar se mund t’i mbajnë lojtarët derisa të jenë të tyre dhe t’i lënë më pas të largohen me parametra zero”, tregon Satin.
Sipas Le Parisien, PSG i ka ofruar sulmuesit kontratë të re deri në vitin 2025, në të cilën thuhet se ai mund të largohet në vitin 2024 nëse dëshiron. Mbappe, megjithatë, nuk dëshiron një kontratë kaq të gjatë dhe do të preferonte të nënshkruante deri në vitin 2023 me opsionin për t’u larguar në 2022 në fund të sezonit të ardhshëm. /abcnews.al
