Trajneri i Juventusit, Maurizio Sarri, ka folur në konferencë për shtyp para ndeshjes kundër Milanit. Strategu italian pranoi se do të jetë e vështirë sfida ndaj kuqezinjve, si dhe tregoi gjendjen fizike të disa futbollistëve kryesorë të skuadrës.
“Skuadra jonë, vetëm ekipi i parë, numëron 15 lojtarë, pa përfshirë portierët. Chiellini është duke arritur formën optimale, Alex Sandro gjithashtu, por do të na duhet të shohim stërvitjen tjetër. Ramsey? Për ne është gjithmonë një opsion, edhe pse ai vjen nga një periudhë e ndërlikuar.
Higuain? Ai është më mirë, ai po stërvitet vazhdimisht dhe është i gatshëm psikologjikisht. Si ekip, kemi ende hapësirë për përmirësim, megjithëse jam i kënaqur me atë që po shoh ekipin të bëjë në fushë, nga të gjitha pikëpamjet.
Nesër është një ndeshje e vështirë. Milani, ekip i cili ka krijuar probleme për ne këtë sezon, janë në kushte të shkëlqyera fizike dhe po shprehen në nivele të larta në ndeshjet e fundit”, tha Sarri mes të tjerash në konferencën për shtyp./abcnews.al
