Trajneri i Juventusit, Maurizio Sarri, ka folur në konferencë për shtyp para sfidës ndaj Udinese, ku u ndalua te titulli kampion, Dybala&Ronaldo, si dhe Champions League: “Në sport, fjala “pranë” nuk do të thotë asgjë. Na mungojnë 4 pikë dhe për momentin është e vështirë. Kështu që duhet të qëndrojmë të përqendruar: Udinese, Sampdoria etj.
Dybala dhe Ronaldo? Kanë shënuar 51 gola të dy. Cristiano më tha që po bën shumë mirë, ai bën gjëra të rralla sepse arrin të shkojë përtej lodhjes.
“Champions? Nuk mund të kemi mendime të dyta për momentin. Kritikë e vazhdueshme? Ndoshta nuk i pëlqej dikujt, por nuk më intereson mendimi i shtypit. Unë i di vështirësitë me të cilat ballafaqohem dhe kam më shumë të dhëna sesa ata që shprehin mendime gjithashtu të ligjshme, por që më interesojnë relativisht”, u shpreh Sarri./abcnews.al
