Sandro Tonali nënshkruan me Milanin. Paradite ai kreu vizitat mjekësore dhe sigurisht nuk munguan edhe tifozë kuqezi që donin ta shihnin nga afër beniaminin e ri të tyre.
Mesfushori ka nënshkruar me Milanin dhe gjithçka është zyrtare. Kuqezinjtë e kanë marrë nga Brescia në huazim me të drejtë blerje dhe Pioli tashmë e pret nën urdhrat e tij.
Official Statement: Sandro Tonali ➡ https://t.co/50gJEvQsx3
Comunicato Ufficiale: Sandro Tonali ➡ https://t.co/03KxYrjdMD
#ReadyToUnleash #SempreMilan pic.twitter.com/rYUdytW8X7— AC Milan (@acmilan) September 9, 2020
Tonali e ka shprehur më parë se është tifoz me Milanin dhe kjo lëvizje është një ëndërr e realizuar për mesfushorin që pritet të debutojë në një miqësore kundër Brescia.
DETAJET E MARRËVESHJES – Brescia përfiton 10 milion euro për huazimin, ndërkohë që Milani duhet të paguajë edhe 15 milion euro të tjera për ta transferuar përfundimisht verën e ardhshme.
Tonali përfiton 2.5 milion euro në sezon, për një marrëveshje 5-vjeçare. Brescia nga ana tjetër pret edhe 10 milion euro të tjera në formë bonusesh, si dhe në rast shitjeje do të përfitojë 10% të vlerës së shitjes. /abcnews.al
